Քիչ քնող երեխաները ավելի են հակված գիրության

Ըստ Նոր Զելանդիայի հետազոտողների, այն երեխաները, ովքեր բավարար չափով չեն քնում գիշերները, ավելի հակված են գիրության:
Ուսումնասիրվել են 3-ից 7 տարեկան 244 երեխա: Երեխաներն ուսումնասիրվել են ամեն 6 ամիսը մեկ անգամ:

Նրանց քնելու սովորությունները և ֆիզիկական ակտիվության մակարդակները ուսումնասիրվել են 3, 4 և 5 տարեկաններում:

Ըստ հետազոտության, քիչ քնող երեխաները 7 տարեկանում ունենում են մարմնի զանգվածի ավելի բարձր ցուցիչ:

Այդ կապը բացատրվում է նրանով, որ եթե երեխան քիչ է քնում, հետևաբար ավելի շատ է ուտում և հետևաբար ուտելն էլ իր հերթին ազդում է ախորժակի մեծացման վրա:

Միաժամանակ նշվում է, որ քնի խախտումները բացասական ազդեցություն են ունենում նաև ուշադրության կենտրոնացման, վարքի վրա:

Հարցեր, պատասխաններ, մեկնաբանություններ